喜來稀肉 (已結業)

想食韓國嘢唔一定要去韓國街嘅 旺角一樣多嘢食！ 今日朋友帶咗我嚟食喜來稀肉 好耐之前都已經聽聞過呢間燒肉店質素唔錯 今日來果然冇失望~喜來五花肉調味啱啱好 非常入味 肉質嫩滑得嚟啖啖肉！油脂分佈多 燒完之後更加惹味香口👍🏻韓牛里脊賣相已經好高質 牛肉唔會話好肥 但卻帶有油脂令食起嚟口感不柴不膩 牛味好出 加埋特式醬汁一齊食 更加滋味~魚籽紫菜飯食法好簡單 只需戴上手套 撈勻飯同配料 搓成飯團就食得 飯粒軟硬適中 口感豐富 而且份量都仲幾多！另外佢仲有生菜 包埋燒肉一齊食 清新又解膩 而且同配菜一樣仲可以無限添加 非常抵食！