小火焰韓式咖啡廳 (金山樓) (已結業)

因為住沙田嘅關係，成日都會周圍去沙田搵食。今日突然間想食韓國嘢，就去咗試大圍呢一間小火焰啦！實在太肚餓，所以雞翼都嗌左兩款唔同嘅，一款甜辣韓式雞翼，另外一款係脆香牛油！兩款各有特色，同樣都咁好味！吉列炸𧐢外脆內軟，鮮甜多汁！辛辣小杯年糕香糯軟綿！主食買咗海鮮炒淮山麵！配上一杯藍柑蜜桃梳打，清新解渴！每款食物各有特色，餐牌選擇太多，有排都食唔晒，下次會試吓佢哋嘅晚餐。服務亦10分周到，坐得好舒服。