洪祖師

營業中

休息中

去唔到台灣都可以係香港食下肉燥飯㗎嘛🥰冬菇肉燥飯超級多汁 直頭係肉燥多過飯咁滯佢啲冬菇仲要好厚身 口感幾好比嘅份量都大方跟餐仲送一杯台式飲品試咗佢哋嘅冬瓜茶同珍珠奶茶都好好飲叫咗少甜味道啱啱好仲要係大大杯㗎！-跟餐可以半價加小食 叫左鹽酥雞同埋鹽酥花枝每樣都係另外加十一蚊咋 街邊食都冇咁平！鹽酥雞食落去好酥脆 雞肉充滿肉汁🥰不過調味有少少鹹 食多幾舊會容易膩-鹽酥花枝真係完全估佢唔到咁大塊😨每一塊都成半隻手掌大 仲要係上下兩塊魷魚疊埋總共有四塊 超級無敵滿足啊🤣🤣🤣-呢間餐廳性價比真係好高 啲嘢食又平又大份係仲要好味既最緊要係有良心 值得支持！