麥金.麥金馬來西亞特式茶啡室 (已結業)

知道大角咀都有好多好嘢食，就睇吓有啲咩特別餐廳，今次嚟到呢一間馬來西亞餐廳，平時都好少會去馬來西亞餐廳，今次咁方便即刻入去，好彩仲有一台位就到我哋。餐廳裝修都好有特色，有懷舊馬來餐廳嘅感覺，我哋睇吓Menu我發現呢間餐廳性價比好高，一啲都唔貴，就即刻揀咗馬來西亞最出名嘅肉骨茶，肉骨茶湯底濃郁，仲有可以去濕抗氧化功效，正呀🥰🥰另外點左個泰式生蝦，生蝦都好爽口，佢哋個泰式辣醬又唔算太辣，仲有塊青瓜俾你中和返口裏便嘅辣味😋主菜就點咗蛋黃奶油勁量雞扒撈出前一丁，蛋黃奶油汁一流，唔算太濃味，撈埋啲出前一丁好好味，雞扒都炸得好脆口同埋點左一個怡保芽菜雞加黃薑飯，啲雞好滑，啲黃薑飯有啲油香唔錯。最後三個人買單都係三百幾蚊🥳🥳下次一定再嚟過#hkfoodie #foodie #食好細 #大角咀 #搵好嘢食