大和牛石燒專門店 (已結業)

呢間我之前都食過幾次，真係性價比好高既一間餐廳！今日終於的起心肝分享下俾大家😂佢有個迷利自助吧，有沙律菜，麵鼓湯，飯仲有醬汁俾大家自己拎。😁未食正餐有餐前沙律食下係幾開胃既👍🏻環境好舒服，座位幾多，員工都好有禮貌。野食都好多款，又好食，價錢又唔貴😆美國安格斯牛膈肌 ($130/300g)呢個係超級超級好食！牛味好出，肉質又唔“鞋”，口感極佳。🤤我覺得係好正，而且係燒到好香，又唔會燒到痴底or燶。👍🏻容易控制，係幾好的🤭另外自己加小小鹽同黑椒，好好食！炸雞塊 (套餐+$3)燒肉轉套餐加小食同飲品都就加$15, 炸雞塊要另+$3。炸得皮脆內軟，入面好Juicy,雞塊都好滑，好正🤤又唔會落左好多鹽，個調味做得好好👍🏻三重芝士自家製和豚豬柳阿波尾雞蛋漢堡 ($65)三重芝士好邪惡，有一層芝士係溶左既芝士，好正！個包勁大，好吸引😍個和豚豬柳肉汁超多，豬味又濃，口感又超正！再配埋隻雞蛋，真係無得頂！🤩牛油粟米都幾好食，粟米粒爽口👍🏻牛油夠香。