夏娃 (已結業)

呢間位於和富道的餐廳在區內評價口碑唔錯。無晚市，中午同太太過嚟試下，門口可泊車，餐廳裏面可望到出邊街上嘅情況，適合揸車人士。餐廳內約十多張枱，午餐Menu都有好多選擇。跟餐的蘑菇湯，都幾濃郁溫泉蛋黑松露煙肉長通粉👍👍通粉軟硬適中，當然食唔到黑松露的味道，但整體都好好味。德國豬手配酸椰菜薯條呢個原隻豬手好抵食，好大隻，性價比高，層皮好酥脆，酸椰菜及薯條完全被豬手覆蓋。如果單論豬手的食物質素，我覺得比赤柱美利樓的豬手更美味，但價錢平得多。只可惜因為揸車，所以冇得飲啤酒🍻，唯一的美中不足。