塚田農場 (已結業)

前幾日約咗朋友喺觀塘行街，行到攰見到呢間舖頭啲嘢食都幾抵，於是決定喺度食晚餐！晚餐$158包一杯清酒🍶見好耐都冇飲酒啦，決定同朋友飲返兩杯，摸着杯底傾心事～ 今次試咗野菌蠔肉咖喱錫紙燒，呢個賣相都幾特別🥰係用錫紙包住啲餸，所以擺咗一陣都依然係咁熱，啱晒而家咁凍嘅天氣，一啲都唔驚啲餸好快就凍左😚😋野菌分量十足，醬汁調味啱啱好，一啲都唔會太鹹，而且咖喱係我鍾意嘅味道，唔會話太辣，唔係好食得辣嘅朋友都可以試😎喺度試左松竹梅白壁藏澪有氣清酒，好少飲啲有氣嘅清酒，原來都幾唔錯！飲落都幾順滑，而且易入口！