招牌手撕雞 (已搬遷) 新店位置

灣仔區少有嘅性價比高外賣午餐，雖然舖頭外觀其貌不揚，附近環境有點不太理想，不過佢嘅外賣手撕雞午餐真係幾好食又大份。揀咗手撕雞冷麵，麵量絕對充足！手撕雞嘅份量令人滿意，口感都唔錯，唔會煮得過火咁。除此之外，仲會配搭青瓜絲同木耳碎，唔驚要剩食雞同麵會好寡👍佢嘅微辣(最少辣)係比10小辣再辣啲，建議唔食得辣嘅人千祈唔好要辣。可以選擇加錢再多加一款配料，試過加海蜇，不過反而令整體減分，因為佢嘅量偏少同味道一般，所以都係嗌返佢嘅招牌款好啲啦。