熊小館 (已結業)

終於有返晚市，唔使再食外賣。今次同朋友去咗新都城一間用小熊做主題的餐廳。叫左一個$299的二人套餐，包左餐湯、前菜、一客主菜、一客飯或意粉、甜品同餐飲，非常豐富同抵食。餐廳有唔少小熊嘅擺設同畫，甫坐下，侍應見我哋有興趣就拎咗隻小熊毛公仔俾我哋影相😆。見到餐廳啲畫，小熊去咗唔同嘅地方遊歷，希望快啲有得去旅行就好🙏🏻。食物方面，餐湯配上脆脆的蒜蓉包。前菜法式牛油焗田螺，伴碟的薯蓉焗到有脆邊，好香口。主菜加$10，叫咗深海帶子拼醬燒牛柳。五成熟嘅牛柳嫩口多汁，性價比極高。露筍野菌意大利飯有淡淡芝士香，味道不會過濃，同樣是水準之作。飲品推介特飲熱情玫瑰，好喜歡玫瑰花的香味。甜品升級叫咗心太軟，配上雲呢拿雪糕，為呢一餐畫上圓滿句號😋。