真味鮮廚 (已結業)

今日同老公和兩個朋友一齊去食火鍋。標榜任食海鮮火鍋，期望不算太高，所以感覺有驚喜！刺身拼盤夠新鮮，三文魚好濃郁。鮑魚係喺店內生湯醃製，正😄重慶雞窩好香麻辣味，入味，雞味好出。龍蝦🦞肉蟹海鮮盤龍蝦好多肉，新鮮；肉蟹好多膏，都係好味。巨型水餃王呢隻真係好驚喜，因為裏面好爽脆，好好肉汁，我哋四個都想encore。以上五款食物只供應一次，其餘食物可以任食！飲食食物中都幾有質素：鮮蝦滑、鯪魚滑、美國雪花肥牛、鮮淮山……不過食完基本野已經飽咗九成！飲品都算合格：自家製檸檬薏米和雪梨🍐杏仁茶，杏仁味真係好濃。