L'AMOUR

營業中

休息中

最近同好耐無見嘅朋友仔食午餐，近近地就去咗位於大埔嘅 L'AMOUR 做座上客。對上一次食都應該係半年前嘅事，餐牌上嘅菜式都有少少變動，朋友同我都好鍾意食生蠔，加上 L'AMOUR 嘅生蠔都幾有質素，所以叫左一打，另外叫左小食同飯。時令生蠔 ($338 / 6隻) : 每隻生蠔都有返咁上下份量，洗得夠乾淨，而且非常鮮甜，另外餐廳重會提供自家製醬料，不過自己鐘意原汁原味咁食。巴馬臣芝士黑松露薯條 ($138) : 薯條熱辣辣夠脆口，黑松露亦香氣撲鼻。黑松露忌廉半熟帶子薏米飯 ($218) : 每粒薏米飯都沾滿了味道濃郁嘅黑松露忌廉汁，帶子稍微煎至金黃色，口感外脆內嫩。