京都鐡板居酒屋 (已結業)

以淺色木系作裝演，設有多個吧檯及露台用餐區，感覺舒服～晚市鐵板燒提供幾款套餐，由$680起，串燒價錢都唔貴～❦梅 $880⚘前菜分別係麻醬沙律同埋茶碗蒸，茶碗蒸蛋味香濃，口感好嫩滑⚘本日鮮魚甘鯛魚立鳞燒😍廚師利用熱油香煎令魚鱗，令魚鱗慢慢立起，食落好香脆，魚肉嫩滑，配上自家製海鮮辣醬，非常惹味，口感一流😋⚘原隻野生花虎蝦虎蝦好大隻😍只作簡單調味已經好好食，蝦肉爽彈又鮮甜，蝦膏香濃⚘法式鵝肝配紅酒黑醋煎到外脆內嫩嘅鵝肝😍香噴噴，入口即溶，非常肥美，配上香脆多士及黑醋十分之夾，拌碟仲有蜜瓜及藍莓⚘日本A5宮崎和牛薄燒和牛油脂分佈平均，包住惹味嘅蔥蒜，食落肉質軟淋，味道濃郁充滿香味，伴碟有蒜片及昆布鹽，兩種不一樣的風味😋⚘京都特式炒飯粒粒分明、金黃色嘅炒飯，乾身軟糯，加入少量雪菜，食落更惹味⚘季節野菜 清清地，可以平衡下肉類嘅油膩感⚘大蜆麵豉湯味道清甜，調味剛好，不會過鹹，溫度足夠⚘甜品分別可以選擇蜜瓜或海鹽雪糕😍蜜瓜味好突出，海鹽味就甜中有少少鹽味，幾特別！⍨以甜品結束美味嘅一餐鐵板燒，大滿足呀