金鶴拉麵 (九龍城道) (已結業)

去土瓜灣探朋友，最開心嘅事係可以去金鶴食拉麵，之前食過幾次，次次都保持到水準，金鶴成日都有期間限定，食極都食唔厭。外賣自取仲有折。今日同個friend就試咗餐廳期間限定嘅軟殼蟹香辣拉麵，咖哩炸雞肉飯，小食叫左明太子雞翼同埋溏心蛋。拉麵一如以往嘅有口感，完全feel到餐廳師傅嘅功力同餐廳嘅誠意，湯底好濃郁，但唔係有味精嗰隻，食完唔會口渴，而且辣辣地，好開胃。軟殼蟹大大隻，好香口，大滿足，食軟殼蟹嘅人一定要試。個咖哩雞肉飯喜出望外，飯係珍珠米，雞肉好juicy，襯埋日式咖哩汁，超級夾，好好食。反而個明太子雞翼就冇做雞肉飯啲雞肉咁juicy。糖心蛋好香蛋味，好食。