六丸(居食屋)日本料理 (已結業)

之前行街經過呢條街好多野食，叫咗甜蝦同北寄貝刺身，甜蝦大大隻十分鮮甜，而且每隻都有蝦膏正呀，北寄貝口感煙韌好味，之後我哋叫咗芝士吉列蠔卷、火炙醬皇燒蟹棒壽司、火炙左口魚變壽司，卷物壽司出色，火炙左口魚邊入口即融，油脂感融入口好幸福啊，蟹棒好大件用紫菜卷住，有埋蛋皇醬就cream啲，推介一定叫吉列蠔卷，即叫即炸，仲食到蠔既海水味，熟食我地都叫左紫芋甘粟餅，呢個好特別，平時都係薯餅，紫芋餅真係第一次食，外脆內軟，紫芋味濃郁，五花腩串燒肥瘦均勻，唔使怕食落成陣肥膏好大浸油脂味，鹽燒醃得啱啱好夠惹味，日本風大阪燒都好好味，仲要埋單都係三百幾蚊左右，抵食，讚👍👍😁