賞島咖啡屋

營業中

休息中

今日同男朋友去經開太子花園街呢度發現咗呢間新開嘅日式咖啡廳門面好特別，俾佢吸引咗入去，門面細細但入面原來都闊落，值得一題係呢間Cafe係寵物友善，見到有唔少狗主都帶埋狗狗一齊。佢嘅餐牌價錢都唔會好貴，食T嚟講啱晒。我哋要咗個西京燒比目魚，呢個份量超級有驚喜因為佢有兩大舊，魚肉夠嫩滑，賣相非常吸引，再配埋啲薯蓉一齊食超讚！之後我哋要咗個花椒蜆肉意粉，呢個又係超級有驚喜完全估唔到花椒同意粉嘅味道係咁夾，意粉充滿蒜香食落去有浸浸麻辣嘅花椒味口感非常豐富，佢啲蜆肉都好多，啖啖肉，菜色非常特別！我哋兩個人仲嗌咗個莎莎粟米片，睇得出小店都好用心，佢嘅份量絕對唔會吝嗇，價錢合理。個粟米片整得好香脆熱辣辣配埋啲牛油果醬一齊食，令人食唔停。估唔到呢間cafe 嘅水準咁高，一定會再返來幫襯！整體你間Cafe環境唔錯，味道高質。