御滿屋日本料理

營業中

休息中

💡性價比高既日式放題旺角都有唔少日式放題，而尼間係食物質素方面係有保證既，值得一試。分左四類放題收費，可以按喜好選擇。今次簡左A款經典放題，有75品，都已經好足夠。🍽️刺身日式放題當然唔少得，刺身款式都唔少，三文魚、油甘魚、八爪魚、帶子、赤蝦、蠑螺、赤貝，整體相當新鮮，融雪都處理得好好。三文魚：厚實肥美赤蝦：肉質鮮甜爽彈赤貝：爽口帶子：鮮甜🍽️壽司壽司整到細細粒，一口一件，飯量少唔會令你好快飽。一般壽司都應有盡有，比較特別既有火炙香蔥三文魚腩壽司、醬爆吞拿魚沙律玉子壽司等等，配搭新穎，但味道相當夾，值得一試，當然唔少得海膽手卷。🍽️燒物有唔同種類既燒物，有燒鰻魚、燒海蝦、燒帆立貝、燒牛舌、燒菠蘿等等，每一樣都燒得岩岩好，唔會燒燶。最鍾意食燒海蝦，肉質仍然保持爽口彈牙。🍽️飲品汽水當然唔少得，款式多樣，啤酒、清酒同梅酒全部仼飲，鍾意飲酒既你就唔好錯過。