極尚大喜屋 (鱷魚恤中心)

營業中

休息中

減咗肥咁耐，都想比自己有一日cheat day放鬆一下，所以就揀咗嚟食放題，乜都有得食，完全唔使怕啲嘢唔啱食!觀塘呢間極尚大喜屋位於鱷魚恤中心，位置真係超級方便，一出觀塘地鐵站行3分鐘已經到！地點取勝！一入到嚟，好彩算早到，如果唔係都要排一排隊先可以入座，一坐低等，即刻掃QR code不停叫嘢食等待期間，就即刻去拎嘢飲， 拎小食！要食返夠本先走！呢度嘅甜品種類都好多，又有雪糕又有蛋糕，滿足晒各位女士第三個胃嘅要求！呢度嘅刺身都幾新鮮！每樣都唔會中伏，可以叫唔同刺身黎試！滿足晒你所有要求！而呢度嘅熱食都唔錯！燒菠蘿都幾好食！另外燒魚都幾正，點埋沙律醬食，真係幾鮮甜！嘢飲方面，我見好多食下都拎咗自家製嘅茶嚟飲，有玫瑰味，同埋白桃烏龍味，都幾唔錯，我仲飲咗好多枝添！買單嚟㗎呢度嘅價錢都算幾合理，質素對得住呢個價錢，下次一定會再嚟食！