博多拉麵別天神 (已結業)

今日夜晚約左個朋友係尖沙咀食飯，大家都想食拉麵，最後就選擇左呢間博多拉麵別天神。七點鐘，入到去唔算多人，時間尚早，入到鋪頭好日本feel，佢有d正常座位同埋bar 台，本身我地坐係bar 台，後尾有人走左，我地就轉左去正常台坐，因為可以方便傾計。我地兩個人坐底之後，就去落order，我地睇鋪頭出面既menu 已經諗好食d咩，我食蝦味噌，而友人就食豚骨，我就配左個明太子沙律，而朋友就跟左個餃子，咁到時大家就可以share 食。坐定之後，覺得好似去左日本咁，因為佢播緊日文歌，加上佢既格局都好似日本式既拉麵店，所以感覺好好。而佢台上面既調味料亦非常多。七調粉、紅薑、芝麻醬等等日式醬料都有。首先黎既係我既明太子沙律同蝦味噌拉麵，佢拉麵上面有好細細粒既蝦仔，係蝦味主要既來源。之後我再試我朋友既豚骨拉麵我覺得比我既湯底更香，所以推薦豚骨拉麵 ＞蝦味噌拉麵。值得一提既係拉麵配菜既蛋，估計餐廳應該係選用左日本蛋，而且蛋味香之餘仲好軟lumlum，唔似出面一般d配菜蛋都係硬晒，好似已經煮左好耐咁。而明太子沙律同餃子就正常。而台面上亦有茶可以自己斟，食完坐左人，因為都開始多人係出面等位，所以我地就離開了，