陶園燒臘飯店 (已結業)

陶園燒臘店出名燒肉同燒鵝～今次試咗一個燒鵝下庄，果然超水準！燒鵝肥瘦恰到好處，油香得嚟唔會肥膩，啲肉彈牙得嚟又滑又香鵝味，將一舊鵝脾塞落啲飯度焗一陣，成碗飯即刻充滿鵝油嘅香味，食到停唔到口！鵝脾大大隻拎住黎食，別有一番風味，大大隻平靚正抵食！襯着酸梅醬汁食更加係錦上添花 perfect match !另外食咗燒肉，個皮脆卜卜，燒肉選材都非常優質，份量亦都好多，呢個價錢簡直性價比高！點少少芥末吊一吊味更加好食。店舖位置都好方便，鄰近佐敦地鐵站，位於香港嘅中央，住港九新界要錢我都唔會覺得遠～買返屋企外賣加料又得，堂食又得，門口好易認，有一大隻雞喺門口歡迎你😆😆再次推介大家想食燒味嘅話不妨試試呢一間～