FAT ANGELO'S (已結業)

行過新港城見到呢間好耐冇見嘅Fat Angelo’s 就心思思入去食吓，整體嚟講幾滿意。適逢聖誕節，餐廳會放下歌，成個環境氣氛好輕鬆。The Good Day Sausage份量嚟講似係一份大嘅前菜，適合sharing。如果做main應該唔夠飽。腸仔同個sauce嘅味道好夾，唔怕太咸。Nicoise Salad with Seared Tuna個沙律比想像中大份，啲沙律菜好新鮮好脆，吞拿魚每一塊都切得好厚。啲魚係外面煎過，個芯唔算好熟，所以食落去會有兩種層次嘅口感。魚本身有醃過，所以同啲沙律菜夾埋一齊食就剛剛好。Iberico Pork Chop豬扒非常大塊，又厚身，肉質整得好腍好juicy。佢配嘅醬汁有少少辣，加上有蜜瓜粒，配一塊巨豬扒係恰到好處，食落好惹味亦唔怕膩。Spaghetti with Grilled Chicken and Mixed Mushroom雞肉份量都算多，肉質好滑，意粉煮得偏軟身，如果係al dente應該更勝一籌。味道冇話好特別，係啲雞肉片嘅肉質幾好。