御滿屋日本料理

營業中

休息中

發覺好耐都無食放題，就搵咗間係旺角勁近地鐵站嘅呢間——🌟御滿屋🌟見佢收費都幾抵，性價比都幾高下，如果六點半或者八點半呢兩個時段入座，仲會平啲架🤩呢間放題餐廳都幾Full下，除咗電話QR code落單，出面自助區仲會有得拎啲冷盤同甜品。我哋食到最後都拎咗唔少甜品😍因為款款都好似睇落好吸引，飲品方面都算多選擇，仲會有啤酒可以拎。自助區最吸引到我莫過於啲青酒同梅酒🍶無錯！連呢兩種酒都有得拎實在太正啦🥳食物方面每個類別都有唔少款式，我食六點半嘅時段，好多食物黎到都仲係熱辣辣上枱，好有誠意，味道好多都好好食，刺身都好新鮮，好值得再叫💕最後連雪糕都有好幾款，仲要係有名嘅牌子，都好有誠意👍🏻._.