稻乙日本料理

營業中

休息中

放假第三天今日同老婆去尖沙咀食日本野。呢間野朋友介紹，係一間樓上鋪黎嘅。我哋食飯時間好早俾咗間房我哋.呢度嘅食物都幾多元化生同熟嘅嘢食都有唔少選擇。前菜叫咗松葉蟹肉沙拉，沙律醬不太多蟹肉味道一流給令你胃口大開。叫咗一份刺身北海道真蠔及特上壽司拼盤。日本真蠔比較大隻唔似歐洲蠔，味道鮮甜大少少甘味。適合鍾意食大大隻嘅啱晒.特上壽司嘅食材非常新鮮，有吞拿魚紫菜卷、火炙左口魚、北海道海膽、帶子、赤蝦、深海池魚、油甘魚、拖羅。每一件壽司都好好味，最好食嘅係北海道海膽同埋拖羅。食完生嘢當然要食返啲熟嘅食物啦，黑松露青椒香菇炒帆立貝、天婦羅拼盤、魚湯稻庭烏冬。呢度唔單止生嘅食物好味，熟嘅食物都煮得一流。帆立貝用咗日本青椒做配料，呢一個煮法能帶出帆立貝嘅鮮味。魚湯稻庭烏冬湯底非常有鮮味。廚師話魚湯係用咗好幾個小時再加上唔同嘅魚整出嚟所以非常鮮甜。