鐵板一 (裝修中)

噚晚星期日book唔到枱食鐵板一，超爆！索性OpenRice預訂今日（星期一）食個lunch。地點容易搵，店內裝修簡約，食物水準卻估佢唔到😚，有湯有包有水準嘅扒，呢個價錢簡直冇得輸！叫左兩個午餐，老公食紐西蘭肉眼牛扒，配黑椒汁。我就食珍寶厚切豬扒配蒜蓉汁，好食到呢！汁另上嘅好處係要食幾多Tim幾多，鐘意點Tim就點Tim👍老公好欣賞牛扒，性價比高😍 我塊厚豬扒雖然厚但就好林，好好味😋。我今日已經推介左俾朋友嚟食，有好嘢緊係要同人分享啦！