燒肉 JuJu

營業中

休息中

早排上網睇到介紹呢間燒肉已經想試下😍今日出開旺角買野就一於去食。可愛風日式燒肉嘅門面， 一進店有好多得意日本漫畫🤗 店家使用手機點餐服務， 可以自己慢慢睇唔受人騷擾。 和牛二人餐$398- 日本A4和牛肉眼絕對A4等級👍將燒烤爐調教到最高5度， 兩面輕輕一燒，個人建議加壽喜燒汁， 加汁後兩面一反即起， 入口即溶， 好味到停唔到。 呢個價錢食到A4和牛二人餐實在超值。- 澳洲M6和牛脊油花確實無日本A4和牛咁多,  但勝在牛味濃郁， 適合比較鍾意重囗味嘅牛魔王😋- 美國牛仔骨厚切咬落更有質感， 牛味都算香， 食牛肋骨比較鍾意食肋腱近骨頭位置，牛味更濃。- 西京豆乳醃豬頸肉豆乳醃過嘅豬頸肉去除咗豬腥味， 而且食落比較清淡， 比普通豬頸肉口感更滑。- 西京豆乳醃雞肉豆腐醃過嘅雞肉更加淋， 口感幼滑。隨餐附送前菜，湯及白飯， 可加$10轉冷蕎麥麵 額外追加美國牛小排$78(100g)- 美國牛小扒望落油脂分佈均勻， 牛味適中， 亦不會太油膩。 總括來說，燒肉Juju性價比高😍, 三百零蚊食到兩人A4和牛餐, 真心覺得抵👍👍 以後去旺角晚餐又多一個好選擇。