倆仨杯

營業中

休息中

我哋成日係海港城搵食，上星期行街見到LCX新開左間台灣菜💖選擇都好多👌🏻價錢親民👍🏻見到賣相都超吸引，忍唔住嗌咗幾款嘢食🙌🏻真係好好味，除咗滷肉飯，麵類，台式小食，台式飲品，仲有甜品😋應有盡有🤩🔹醉雞捲烏冬呢個真係好好食，醉雞捲好入味，帶點甜甜汁，烏冬好煙韌，每條都掛滿醉雞汁，忍唔住飲埋個湯🔹滷肉飯呢個滷肉飯份量好足，滷肉切碎半肥瘦，唔會過咸，飯中仲有萵筍，滷水蛋，酸菜，油香撈埋飯好滿足🔹滷水雞心/滷水雞翼/滷水雞髀菇滷水每款都好入味，真係好正宗台灣嗰款，好抵食🔹台式粗薯條好惹味，脆卜卜之餘仲有芝士粉同海苔粉🔹鹽酥雞炸得好香口，唔會太乾，加埋九層塔，香味十足🔹九層塔抓餅超香，咬開有大量九層塔碎 ，完全提升抓餅味道🔹芋泥地瓜球圓碌碌，外層係黃色地瓜，咬開有滿滿嘅餡，食到停唔到口🔹草莓串串沙冰打卡必叫，有2粒大草莓冰糖葫蘆，厚身嘅奶蓋，酸甜草莓沙冰，夏天飲一流🔹黑糖珍珠岩鹽厚鮮奶濃郁嘅鮮奶，黑糖珍珠好堅韌，好好飲🔹招牌黑糖 呢個甜品超足料，咩都有啲，三色芋圓，小芋圓，仙草，奶蓋，黑糖珍珠，底部係黑糖漿加綿綿嘅沙冰，真係消暑一流