影片
更多
2022-02-05
871 瀏覽
🇮🇳Three Idiots Restaurant🇮🇳📍:土瓜灣長寧街35號康寧花園地下A號舖⏰:11:30am-10:00pm⭕️:現金、Alipay對於印度薄餅 我真係有一種好掛住嘅感覺😋所以今次嚟到土瓜灣呢一間餐廳食印度菜 再加上而家屯馬綫開通左 過嚟土瓜灣十級方便🥰呢間餐廳嘅老闆識講廣東話🤣落單完全唔成問題！裝修格局好印度風 舖頭裏面都播住印度音樂 整體來講都算乾淨 唔錯👍🏻一坐低就會放低兩碗小扁豆湯🥣 味道好重香料味 將豆磨成茸 出奇地好飲🤣🐏燒烤免治羊肉串 💰88有驚喜！羊肉係用鐵板上 熱辣辣食好惹味 同我想像中有啲唔同😂我以為係一串串串燒咁樣 但係出到嚟係羊肉卷😂 顏色好鮮艷 羊肉味好出 唔算太羶 味道有少少辣🌶配埋檸檬汁食好夾 呢個唔錯！🦐蒜蓉大蝦 💰128咖喱汁好濃郁 香料味好重 裏面有洋蔥、蔥花、芫荽、印度香料等 微微地辣🌶 呢個加埋洋蔥薄餅食就一流🙈 大蝦好新鮮 肉質彈牙 略嫌比較細隻 不過蝦嘅份量都幾多 眼見都有六至七隻👍🏻性價比好高！🫓洋蔥烤餅 💰28呢個係我食過咁多間印度餐廳來講 算係比較出色嘅一個🙈我本身就好鍾意食洋蔥烤餅 佢味道好濃郁 洋蔥味好突出 仲有小
📍:土瓜灣長寧街35號康寧花園地下A號舖
⏰:11:30am-10:00pm
⭕️:現金、Alipay
對於印度薄餅 我真係有一種好掛住嘅感覺😋所以今次嚟到土瓜灣呢一間餐廳食印度菜 再加上而家屯馬綫開通左 過嚟土瓜灣十級方便🥰
呢間餐廳嘅老闆識講廣東話🤣落單完全唔成問題！裝修格局好印度風 舖頭裏面都播住印度音樂 整體來講都算乾淨 唔錯👍🏻一坐低就會放低兩碗小扁豆湯🥣 味道好重香料味 將豆磨成茸 出奇地好飲🤣
🐏燒烤免治羊肉串 💰88
有驚喜！羊肉係用鐵板上 熱辣辣食好惹味 同我想像中有啲唔同😂我以為係一串串串燒咁樣 但係出到嚟係羊肉卷😂 顏色好鮮艷 羊肉味好出 唔算太羶 味道有少少辣🌶配埋檸檬汁食好夾 呢個唔錯！
🦐蒜蓉大蝦 💰128
咖喱汁好濃郁 香料味好重 裏面有洋蔥、蔥花、芫荽、印度香料等 微微地辣🌶 呢個加埋洋蔥薄餅食就一流🙈 大蝦好新鮮 肉質彈牙 略嫌比較細隻 不過蝦嘅份量都幾多 眼見都有六至七隻👍🏻性價比好高！
🫓洋蔥烤餅 💰28
呢個係我食過咁多間印度餐廳來講 算係比較出色嘅一個🙈我本身就好鍾意食洋蔥烤餅 佢味道好濃郁 洋蔥味好突出 仲有小心思🙈會有啲洋蔥同蒜蓉塞咗起薄餅入邊 除咗外邊有洋蔥味之外 裏面亦都有蒜蓉味👍🏻烤得好酥脆 外脆內軟 1份仲有四塊 好抵食 配埋咖喱食簡直一流！
🔸小食、飲品方面🔸
🥠咖喱角 💰12
熱辣辣好夠脆口 裏面有小扁豆、薯仔等配料👍🏻
🐣香炸雞粒 💰68
炸雞即叫即炸 熱辣辣 外層炸粉比較厚 雞肉好嫩滑 配左青檸醬 不過我覺得就咁食好食啲🤣
🍹香料奶茶
香料味重 奶茶唔會好甜 我諗香港人應該唔啱飲😂
🍹香蕉奶昔
呢個唔錯 香蕉味好重 大大杯 奶昔味道唔錯 飲唔慣香料奶茶嘅可以叫呢一個🤣
張貼
