影片
更多
2021-06-19
401 瀏覽
今日係尖沙咀做完嘢之後，就同同事嚟左哩間日本餐廳食嘢，一入餐廳就見到一排吧枱位，不過因為已經坐滿晒人既關係，所以我地就坐左裏面既位置。餐牌上面有三個唔同價格既套餐，我地今次就揀左$350既刺身牛柳粒御膳 。🎈刺身牛柳粒御膳 $350包括刺身三款（每款兩切）、照燒美國安格斯牛柳粒、嚴選時令壽司五貫及湯。🐟刺身三款（每款兩切）鮮帶子有淡淡柚子香味，上面仲有點點香草；深海池魚係厚切，較有質感；三文魚新鮮肥美，三款刺身都新鮮好食👍🏻🐂照燒美國安格斯牛柳粒牛柳粒上有蔥絲、洋蔥同蒜片，蒜片炸得非常香脆，牛柳粒數量唔少，而且煮得軟腍，好重牛味，有肉汁，照燒醬汁入味微甜，底下仲有紅椒同青椒。🍣嚴選時令壽司五貫壽司會根據當天食材新鮮程度而改變，所以每日都唔一樣，而且裏面已經放左Wasabi，而今日既時令壽司係金木鯛柚子啫喱、賴尿蝦、赤貝、大拖羅同埋三文魚籽。金木鯛柚子啫喱有驚喜，好好食！金木鯛係厚切，外皮爽脆，柚子啫喱入口即溶，有淡淡柚子味，金木鯛油脂分布平均，好重魚油香；賴尿蝦上面有蝦膏，味道鮮甜，蝦肉亦鮮嫩；赤貝新鮮爽脆，完全冇腥味；大拖羅真係不得了！！！超級新鮮肥美，完全係入口即溶，而且無筋，超推
餐牌上面有三個唔同價格既套餐，我地今次就揀左$350既刺身牛柳粒御膳 。
🎈刺身牛柳粒御膳 $350
包括刺身三款（每款兩切）、照燒美國安格斯牛柳粒、嚴選時令壽司五貫及湯。
🐟刺身三款（每款兩切）
鮮帶子有淡淡柚子香味，上面仲有點點香草；深海池魚係厚切，較有質感；三文魚新鮮肥美，三款刺身都新鮮好食👍🏻
🐂照燒美國安格斯牛柳粒
牛柳粒上有蔥絲、洋蔥同蒜片，蒜片炸得非常香脆，牛柳粒數量唔少，而且煮得軟腍，好重牛味，有肉汁，照燒醬汁入味微甜，底下仲有紅椒同青椒。
🍣嚴選時令壽司五貫
壽司會根據當天食材新鮮程度而改變，所以每日都唔一樣，而且裏面已經放左Wasabi，而今日既時令壽司係金木鯛柚子啫喱、賴尿蝦、赤貝、大拖羅同埋三文魚籽。
金木鯛柚子啫喱有驚喜，好好食！金木鯛係厚切，外皮爽脆，柚子啫喱入口即溶，有淡淡柚子味，金木鯛油脂分布平均，好重魚油香；賴尿蝦上面有蝦膏，味道鮮甜，蝦肉亦鮮嫩；赤貝新鮮爽脆，完全冇腥味；大拖羅真係不得了！！！超級新鮮肥美，完全係入口即溶，而且無筋，超推介👍🏻 三文魚籽新鮮唔腥，數量多到滿瀉。
🥣湯：蝦頭麵豉湯
麵豉湯裏面有蝦頭、海帶、豆腐粒同埋腐皮絲，蝦頭有蝦膏，湯味道鮮味。
🍹日本蘋果汁
整體黎講，哩間餐廳既壽司真係好高質，而且晚市套餐性價比都幾高，想食高質壽司既話都可以試下。
張貼
