波士冰室 (已結業)

星期日一家人又出動了…太太話附近開左間新嘢，咁就一於去試下啦！去到餐廳門口都有人等緊位，不過等左一陣就有位入；睇完餐牌就點左三個餐…價錢就比同區茶餐廳高左啲，反而令我覺得“應該會唔錯”，亦可能係我期望過高啦，所以先至會有點失望…常餐（豬扒麵）…塊多士幾好味，夠脆脆鬆化，但係其他就一般般，湯淡、塊豬扒完全唔掂，還有腌粉味還有另一個常餐（雞翼天使麵）…餐牌個圖是全翼，上枱時只係雞中翼，都算…最重要係唔入味，天使麵汁少而且淡最後、午餐（欖茶肉鬆四季豆炒飯）…味道還可以但四季豆偏少、飯太油同區嚟講，質素實屬普通但價錢就略高