Alice Pizza (新城市廣場三期)

佢地新開個店面幾靚，見到唔少人買，我都諗住試下一款黑松露磨菇，店員有一男一女店員分開兩邊揀pizza同俾錢，咁我就排咗女店員嗰邊，我排第2嘅，突然有個女人衝上嚟係度指this this this，我同佢講話我排緊隊，佢又就走開咗，我買完同等拎完外賣pizza之後，我又見到個女人又走去男店員嗰邊打尖，個男店員有俾女人買先，但後面本身有2個女仔排緊隊，佢地話啲人都唔排隊嘅🙄，然後就走咗，成個店面都冇店員管理，冇指示要人排隊，搞到舖面好亂..

講翻食物啦，店員磅重後會問你要唔要加熱，會即時幫你加熱，我買咗truffle，40幾蚊，細細件，有芝士、蘑菇、香料，都有小小黑松露味嘅，pizza底其中一邊好硬，扣咗分😔味道ok嘅，但性價比唔高，暫時都唔會再試

9