喜惶點心專門店 (已改名) 查看

本身係旺角行街，想飲茶，老點又成日食，其他負評太多，再唔係就太貴，之後黎左呢間新開既點心，食完真係覺得物超所值！我同女朋友叫左六個點心，分別係栗米煎牛肉餅、免治牛肉腸、酥皮叉燒包、牛肉球、黑椒蒸爽肚、xo炒蘿蔔糕。本身我地少食牛，但黎到牛肉世家，冇理由唔叫多d牛食。牛肉球-極推薦！肉好實，好彈牙，擺入口咬有股張力，用新鮮牛肉做！黑椒煎爽肚-好滑好爽，有黑椒味又唔蓋過晒其他味道，推薦！酥皮叉燒包-好似新鮮出爐既菠蘿包，好食！不過唯一擔心可唔可以保持水準，因為人一多或者廚師開始懶，就好難保持新鮮又熱又軟咁樣。栗米煎牛肉餅-用栗米溝埋免治牛煎成一個餅，幾香口，鐘意煎炸野就要食啦，但如果好似我呢d少食煎炸野，就只會試一次。免治牛腸-基本上成條腸粉都塞滿牛肉，啖啖肉，不過我覺得腸粉可以做得更出色。賣點係多料，缺點係食完對佢冇乜感覺。xo羅白糕-大碟，小小辣辣地，不過我覺得實屬普通，不會再叫。