有機廚房 (已結業)

今日早收工同女朋友食晚飯，經過商場見到呢間餐廳，可能今日我地早收工，見餐廳都唔算太多人，環境唔錯。再睇睇門口個Menu，有女朋友鍾意食既野，就入去試試。 我地選左半自助餐，選2道主菜。湯，餐包，甜品，Salad任食。 我地食左Salad先，Salad 都幾新鮮，番茄仔都幾甜。餐包有3款選擇，我試食左其中一款，味道都唔錯。 主食方面，我選左黑毛豬伴燒菠蘿，女朋友選左牛肝菌帶子闊麵。 牛肝菌帶子闊麵非常濃郁香味，忍唔住叫女朋友share一半比我食，好正。 黑毛豬方面，面煎得好香脆，切開肉汁鎖曬係入面，外脆內軟。黑毛豬有好小部分係脂肪，食起上黎非常甘香。再配上燒菠蘿，解膩。 甜品方面，我特意選左幾款黎試試。燉奶唔錯。芝士蛋糕必食。