金鶴拉麵 (九龍城道) (已結業)

星期日既下午同朋友一齊去咗土瓜灣既金鶴拉麵，為咗試佢招牌既金鶴雞白湯拉麵。雖然已事先預約，但可能因為新開同位置較唔顯眼既關係，人流實在唔多，我地好快就喺二樓坐低咗。坐既位置對住一幅金色鶴既畫，和風裝飾配西式裝修，十分特別。我地好快就叫咗目標既拉麵，店員更熱心提醒我地有新店優惠，只要掃一掃QR code登記做會員，就可以有拉麵買一送一優惠店員時不時主動幫忙添玄米茶，服務實在加分。拉麵黎啦~擺盤好有架勢炸牛蒡好脆，但唔可以浸湯太耐，耐咗會變得難咬。雞肉十分嫩滑，好有雞味糖心蛋亦都好入味，蛋黃生熟度啱啱好湯入面隱藏住兩片叉燒，雖然有啲韌，但好彩夠薄。湯底真係非常濃郁，味道啱啱好。拉麵屬較粗既拉麵，份量多，軟硬剛好。另外，佢地既廁所係酒店式既裝修，真係十分驚喜，亦有分男女廁。睇得岀店鋪既裝修好用心，連廁所都有考慮到。最後，我地結賬既時候只係比咗每人$54既價錢就食咗碗性價比超高既拉麵，同享受咗一個舒適既用麵環境雖然土瓜灣、九龍城區可以行既地方唔多，但黎咗金鶴食野係值既