馬辣台式鴛鴦火鍋 (創興廣場)

營業中

休息中

旺角真係美食嘅天堂，趁住天氣仲係涼涼地，就更係要去打邊爐啦，今次嚟到創興14樓食馬辣台式鴛鴦火鍋，佢係一間性價比極高的任食鴛鴦火鍋，佢有好多材料可以選擇之外，一個價錢連生啤都可以任飲。一入到門口就見到有一㗎火車擺設，車身全部都係嘢食配料，淨係蔬菜嘅裏面都已經好多唐生菜、菜心、娃娃菜、白菜、西洋菜等等。另外腸仔，午餐肉，丸都超過十款。甜品方面有班戟、棉花糖、焦糖燉蛋、麵包布甸、窩夫等。除此之外仲會有甜品師傅整蛋糕慶祝任何節日(夠6人免費送)。咁我今次就叫咗芫荽皮蛋同埋沙嗲湯。肉類都係有好多款式可以選擇，我每樣叫咗一碟。另外仲有時令海鮮可以揀，鮮蝦蜆等等。120分鐘真係食到飽，同朋友一齊喺度聚會真係一流，大家都快啲試吓啦。