小麻吉滷肉飯 (已結業)

今日晏晝去到太和呢邊食間台灣下午茶， 平時都有嚟食開架好似食完都覺得好滿足。 每個下午茶三十幾蚊， 可以喺個點心紙上面的三個小食， 再揀多一個煮食， 小食可以揀脆甘薯，炸豆腐， 花枝丸鹽酥雞之類， 煮食就有滷肉飯同埋一啲台灣面揀。 仲可以加五蚊飲 台式奶茶， 而我最鍾意就係佢個炸豆腐， 個炸豆腐外面嘅木魚皮非常之脆， 啱啱上枱嘅時候仲會旭嚟旭去， 加埋上面有少少甜醬汁就好開心。 另外鹽酥雞都做得唔錯， 如果你揀碗陽春麵仲會覺得非常之抵， 因為面入面仲有其他餸。