影片
更多
2021-10-24
1099 瀏覽
家住馬鞍山烏溪沙超過十年，一直已習慣了「美食沙漠」，最近誤打誤撞去左呢間冰室，發現原來係一間「美食秘竇」。先講交通，佢位於西沙路。但最近西沙路好多工程，要留意轉入路口。我就係咁誤打誤撞揾到的。佢有約八個車位，游車河至合適。至於食物，對我來講簡直係喜出望外。你唔好以為佢叫冰室就得小食，佢地個厨房超有鑊氣。今晚我地叫左6道菜，佢招牌炸子鷄當然要點。外皮脆卜卜，肉地好滑嫰。黃金蝦球，外皮有咸旦黃，好香!內面D蝦肉好爽口。佢地有個椒鹽系列，我就揀左至愛的椒鹽鮮魷。好大碟!外酥內爽。口感十足!推介!潮州蠔餅十分足料，D蠔好大隻又好滑口，但餅漿就好酥脆。點D魚露好惹味。以上三樣我叫為送酒3兄弟。配合啤酒真係冇得輸!本人乃豬潤控，見到佢有蜆芥豬潤當然吾會放過。不得不讚廚師手勢好，D豬潤爆得好入味但又吾會太老，入口爽爽聲。瞬間已清碟。食到呢度本來巳經好够喉，但見佢有個鐵板系列，好想試。就叫左個鐵板茄子，冇諗到甘大份咁澎湃，成座小山咁。肉碎味道酸甜酸甜，好適合小朋友食。茄子先用脆漿炸過，外脆內淋。食完真係要捧住個肚。每碟都係七十幾八十蚊，至够一百鬆D，但好大碟又好食，好抵!但有得免費泊車!以後呢度就是我
先講交通，佢位於西沙路。但最近西沙路好多工程，要留意轉入路口。我就係咁誤打誤撞揾到的。佢有約八個車位，游車河至合適。
至於食物，對我來講簡直係喜出望外。你唔好以為佢叫冰室就得小食，佢地個厨房超有鑊氣。
今晚我地叫左6道菜，佢招牌炸子鷄當然要點。外皮脆卜卜，肉地好滑嫰。
黃金蝦球，外皮有咸旦黃，好香!內面D蝦肉好爽口。
佢地有個椒鹽系列，我就揀左至愛的椒鹽鮮魷。好大碟!外酥內爽。口感十足!推介!
潮州蠔餅十分足料，D蠔好大隻又好滑口，但餅漿就好酥脆。點D魚露好惹味。
以上三樣我叫為送酒3兄弟。配合啤酒真係冇得輸!
本人乃豬潤控，見到佢有蜆芥豬潤當然吾會放過。不得不讚廚師手勢好，D豬潤爆得好入味但又吾會太老，入口爽爽聲。瞬間已清碟。
食到呢度本來巳經好够喉，但見佢有個鐵板系列，好想試。就叫左個鐵板茄子，冇諗到甘大份咁澎湃，成座小山咁。肉碎味道酸甜酸甜，好適合小朋友食。茄子先用脆漿炸過，外脆內淋。食完真係要捧住個肚。
每碟都係七十幾八十蚊，至够一百鬆D，但好大碟又好食，好抵!但有得免費泊車!以後呢度就是我家飯堂啦。
其實佢地裝修好有心思。好多打卡位適合IG，FB。
附近又有泥涌，海星灣，平日下午茶都係三四十個大洋，仲要有得泊車。無論後生仔媾女定一家大細都值得來食番餐。
最後，佢地可以WhatsApp落單先然後到取，馬鞍山至西沙街坊有福啦。
張貼
