影片
更多
2021-09-10
2884 瀏覽
喺機緣巧合之下知道餐廳Omakase做緊第二位半價嘅優惠，梗係要約埋好朋友一齊去食好西😋我哋今次食嘅lunch set係『光 HIKARI』除咗有12貫壽司之外仲有前菜、茶碗蒸、手卷、湯同埋甜品❤️立魚：肉質爽口煙韌有嚼口，淡淡柚子味口感清爽！金線鯛：口感清淡柔軟，上面加上海苔碎更添風味！帆立貝：帆立貝圓大飽滿，肉質，灑上微量嘅竹炭鹽更能帶出鮮味！牡丹蝦 ：蝦肉鮮甜口感細綿帶爽，上面仲放上火槍燒過嘅甘香蝦膏👍🏻蟹肉軍艦：望住師傅將鮮甜嘅蟹肉用人手拆出嚟放上軍艦上，感覺分外矜貴！海膽杯：壽司醋飯上面放上大量鮮甜又creamy嘅海膽，係我今餐最愛❤️❤️左口魚邊：肥美爽口，經炙燒之後滲出濃郁甘香魚油，入口即溶😍吞拿魚蓉手卷：滿滿嘅新鮮吞拿魚蓉口感軟滑細緻加入香氣十足嘅蔥花，外面嘅紫菜仲好香脆❤️舞茸菇湯：食咗咁多生冷嘢，飲返碗熱湯感覺好暖胃！抹茶奶凍：又香又濃滑嘅奶凍加上黑豆同埋矜貴嘅金箔，為今日呢一餐劃上完美嘅句號👍🏻除咗上面嘅食物之外其實我哋仲食咗池魚、鯖魚、吞拿魚、中拖羅、梭子魚同茶碗蒸，每人三百幾蚊就食到咁多咁高質嘅食物，性價比真係極高😊
我哋今次食嘅lunch set係『光 HIKARI』除咗有12貫壽司之外仲有前菜、茶碗蒸、手卷、湯同埋甜品❤️
立魚：
肉質爽口煙韌有嚼口，淡淡柚子味口感清爽！
金線鯛：
口感清淡柔軟，上面加上海苔碎更添風味！
帆立貝：
帆立貝圓大飽滿，肉質，灑上微量嘅竹炭鹽更能帶出鮮味！
牡丹蝦 ：
蝦肉鮮甜口感細綿帶爽，上面仲放上火槍燒過嘅甘香蝦膏👍🏻
蟹肉軍艦：
望住師傅將鮮甜嘅蟹肉用人手拆出嚟放上軍艦上，感覺分外矜貴！
海膽杯：
壽司醋飯上面放上大量鮮甜又creamy嘅海膽，係我今餐最愛❤️❤️
左口魚邊：
肥美爽口，經炙燒之後滲出濃郁甘香魚油，入口即溶😍
吞拿魚蓉手卷：
滿滿嘅新鮮吞拿魚蓉口感軟滑細緻加入香氣十足嘅蔥花，外面嘅紫菜仲好香脆❤️
舞茸菇湯：
食咗咁多生冷嘢，飲返碗熱湯感覺好暖胃！
抹茶奶凍：
又香又濃滑嘅奶凍加上黑豆同埋矜貴嘅金箔，為今日呢一餐劃上完美嘅句號👍🏻
除咗上面嘅食物之外其實我哋仲食咗池魚、鯖魚、吞拿魚、中拖羅、梭子魚同茶碗蒸，每人三百幾蚊就食到咁多咁高質嘅食物，性價比真係極高😊
張貼
