CHICKEN CHIKO

營業中

休息中

過嚟北角搵朋友食lunch，難得朋友想韓一韓，即刻搵下有冇炸雞食🤭上網見到呢度好似新開，新淨企理，餐點種類好多，可以嗌餐或者散叫，見到隔離叫嘅午餐便當🍱，抵食又大份，附近返工嘅朋友真係有食神衝着炸雞而黎，即刻叫咗兩款炸雞（蜜糖牛油炸雞，乳酪洋蔥炸雞），因為想試多啲唔同嘅嘢，叫咗輕量版，點知原來都幾大份， 50幾蚊有咁多件，真係老闆瘋了，超級抵食！乳酪洋蔥味道有啲似他他醬酸酸地，好開胃，配炸雞會冇咁油膩蜜糖牛油經典配搭，甜甜地又勁香牛油味，冇得輸👍朋友仔想食部隊鍋，份量多好足料，粉絲底，越食越辣好正🤣炸醬麵，亦都係經典配搭，並且足料大份泡菜餅，大大塊，入面仲超級多泡菜，唔係粉餅一塊果啲，而係真係食到有好多泡菜，非常欣賞！呢一餐食得勁滿足，連平時嘴刁嘅朋友仔都讚不絕口，食到捧住個肚走。