影片
更多
2019-03-16
174 瀏覽
今日想同朋友搵個地方食野傾計，於是去左uptop bistro，之前網上見到佢地的tea set已經覺得好吸引，果然冇失望我地兩個人叫左閃亮摩天輪，有鹹點有甜點，作為一個tea兩位份量尼講其實夠有突坐係19樓望住出面廣闊的景已經好開心；食物又靚，打卡都可以打10幾分鐘鹹點: --迷你竹炭和牛漢堡黑色的漢堡軟軟的，好靚；和牛好Juicy，漢堡吸左D肉汁好惹味，塊和牛雖然迷你，但好厚身--水牛城雞翼串 (辣的):辣粉都重，都係好香，雞翼唔算油；重點係雞翼開邊，食起尼超方便，唔洗驚冇儀態； 趁熱食--黃金炸雞粒 (辣的)一大碗炸雞粒，入面大約有10件。炸粉唔多，但仍然脆卜卜；辣粉幾重，亦都幾香，食落好惹味；雞肉唔鞋唔韌要X熱食--黑芝麻吞拿魚配魚子醬吞拿魚輕輕燒過，入面仲生的，淡淡的鮮味仍在--三文魚籽Parma ham配哈蜜瓜三文魚籽顏色好靚；Parma ham唔算太鹹；哈蜜瓜好爽口因為parma ham唔係好鹹，所以唔會搶左哈蜜瓜的味，兩者挺夾的甜點:--綠茶芝士蛋糕綠茶同芝士味剛剛好，唔會比其中一隻味搶左，一啖食晒兩隻味；個cheese好soft；上面塊白朱古力比較甜--金箔迷你抹茶慕
我地兩個人叫左閃亮摩天輪，有鹹點有甜點，作為一個tea兩位份量尼講其實夠有突
坐係19樓望住出面廣闊的景已經好開心；食物又靚，打卡都可以打10幾分鐘
鹹點: --迷你竹炭和牛漢堡
黑色的漢堡軟軟的，好靚；和牛好Juicy，漢堡吸左D肉汁好惹味，塊和牛雖然迷你，但好厚身
--水牛城雞翼串 (辣的):
辣粉都重，都係好香，雞翼唔算油；重點係雞翼開邊，食起尼超方便，唔洗驚冇儀態； 趁熱食
--黃金炸雞粒 (辣的)
一大碗炸雞粒，入面大約有10件。炸粉唔多，但仍然脆卜卜；辣粉幾重，亦都幾香，食落好惹味；雞肉唔鞋唔韌
要X熱食
--黑芝麻吞拿魚配魚子醬
吞拿魚輕輕燒過，入面仲生的，淡淡的鮮味仍在
--三文魚籽Parma ham配哈蜜瓜
三文魚籽顏色好靚；Parma ham唔算太鹹；哈蜜瓜好爽口
因為parma ham唔係好鹹，所以唔會搶左哈蜜瓜的味，兩者挺夾的
甜點:--綠茶芝士蛋糕
綠茶同芝士味剛剛好，唔會比其中一隻味搶左，一啖食晒兩隻味；個cheese好soft；上面塊白朱古力比較甜
--金箔迷你抹茶慕絲配紅豆
紅豆味好出，唔知係咪放得太耐，個mousse溶溶地
--Donut
donut唔係炸的，係焗果D，所以食落好soft，亦唔洗驚好heavy，donut入面仲有餡
白色果隻入面係吉士醬Custard，Custard味都幾重幾香；粉紅色果隻係士多啤梨果醬，唔會好酸
--Macaroon配朱古力粒
macaroon唔會好甜，可以放心食；其中一隻好似係咖啡味，都幾香
朱古力粒係軟心，朱古力味唔會好甜；好靚tim
tea set仲配茶或咖啡Earl grey tea E杯加左檸檬，但因為我唔係篤左好多下，而本身佢個earl grey味重，所以最後飲落earl grey味都好出好香
張貼
