影片
更多
2022-08-05
539 瀏覽
一間性價比好高嘅居酒屋，喺旺角區嚟講非常難得。我哋一行四人，好榮幸坐到全場唯一榻榻米座位😌。先送嚟開胃前菜：自家製柚子蜜醃蘿蔔，柚子蜜香甜，酸蘿蔔清新，好好食好開胃。眾多食物印象最深刻嘅有以下呢幾樣：免治雞肉棒 – 肉質飽滿有雞味，重點喺個汁度：醬油溝生雞蛋，味道又鮮又濃，勁正🤤醉雞卷 – 雞肉嫩滑之餘酒味又夠濃，雖然唔係正宗日本菜式，但都絕對要推介魷魚 – 原條斬件上，燒得香之餘肉質仍鮮嫰，唔會乾噌噌嚡颯颯，面頭仲有肝醬味道，好食👍雞皮 – 每次食日式串燒必叫，呢串燒得非常香脆，又係食到冇停口😹燒飯團 – 上枱前已將飯團二分為四，方便我哋進食；飯團有濃濃嘅醬油味同燒烤香味，絕對係我鍾意嘅味道😍美國安格斯肉眼 – 有牛味有油脂肉質軟腍，拌埋底下嘅生洋蔥一齊食，口感冇咁膩，唔錯😋我哋仲叫咗牛油番薯，蒜香牛油粟米，茄子，汁煮大根，炸豆腐，炒野菜同白鱔，全部都具水準，食得好開心。更加開心嘅係老闆請食炸池魚仔，雖然細細條，但係熱辣辣又香又脆，佐酒一流❤️。嚟到居酒屋，雖然唔係好飲得，但係點都要飲啲啦😹。叫咗支較易入口嘅檸檬清酒，有啲甜，加冰飲剛好。另外又試咗唔同嘅清酒同果酒，由於零知識，唔識評論
我哋一行四人，好榮幸坐到全場唯一榻榻米座位😌。先送嚟開胃前菜：自家製柚子蜜醃蘿蔔，柚子蜜香甜，酸蘿蔔清新，好好食好開胃。
眾多食物印象最深刻嘅有以下呢幾樣：
免治雞肉棒 – 肉質飽滿有雞味，重點喺個汁度：醬油溝生雞蛋，味道又鮮又濃，勁正🤤
醉雞卷 – 雞肉嫩滑之餘酒味又夠濃，雖然唔係正宗日本菜式，但都絕對要推介
魷魚 – 原條斬件上，燒得香之餘肉質仍鮮嫰，唔會乾噌噌嚡颯颯，面頭仲有肝醬味道，好食👍
雞皮 – 每次食日式串燒必叫，呢串燒得非常香脆，又係食到冇停口😹
燒飯團 – 上枱前已將飯團二分為四，方便我哋進食；飯團有濃濃嘅醬油味同燒烤香味，絕對係我鍾意嘅味道😍
美國安格斯肉眼 – 有牛味有油脂肉質軟腍，拌埋底下嘅生洋蔥一齊食，口感冇咁膩，唔錯😋
我哋仲叫咗牛油番薯，蒜香牛油粟米，茄子，汁煮大根，炸豆腐，炒野菜同白鱔，全部都具水準，食得好開心。更加開心嘅係老闆請食炸池魚仔，雖然細細條，但係熱辣辣又香又脆，佐酒一流❤️。
嚟到居酒屋，雖然唔係好飲得，但係點都要飲啲啦😹。叫咗支較易入口嘅檸檬清酒，有啲甜，加冰飲剛好。另外又試咗唔同嘅清酒同果酒，由於零知識，唔識評論，只覺得比想像中易入口，唔會嗆喉，而「自己酒杯自己揀」又係一件好好玩嘅事🤗。
飲飽食醉，又後生又大隻又 cute 又有禮貌嘅大廚出嚟同我哋傾咗幾句，成個 vibe 好正。到咗尾聲，老闆又送上鮮甜西瓜，仲每人一隻酒杯仔留念，直頭係又食又拎🤣🤣。一落樓，我哋就已經話要再約啦。
張貼
