新南苑私房菜火鍋鷄煲 (海德中心) (已結業)

係港島區想食雞煲，同事首選一定係新南苑私房菜火鍋雞煲每次黎到都會比佢個大魚缸吸引住！做得成班同事首選既餐廳，一定有佢既過人之處！先來雞煲，呢到既雞煲係先炒到雞件乾身，再落油炸鬼粒，雞件不會過油，油炸鬼吸左雞勁惹味，雞煲任食，原煲上，不會交行貨！👍有好多人都唔鍾意食完個雞煲再打邊爐，因為會怕好油，呢度就啱晒怕油嘅朋友！食完個雞煲會換過湯底俾你打邊爐！平時海鮮湯底食得多，今次見到餐廳新出酸菜黃花魚煲，就試吓啦！黃花魚煎得香脆，加上大量酸菜，十分惹味！每枱一盤手切牛肉和海鮮拼盤，牛肉脂肪平均，牛味幾重，靚牛輕輕淥幾秒就食得！重本海鮮拼盤，有蟶子皇，鮮鮑魚，生蠔，新鮮活捉南非龍蝦，生蝦等。。。人均三百元既火鍋放題可以提供新鮮海鮮，真係好難得！基本上食晒餐廳提供嘅食物已經好夠飽，另外仲有好多配料可以任叫！另外有多款飲品任飲！平日都爆曬棚，今晚好在有訂位，如果唔係就要等一下啦！