皇室冰廳 (已結業)

今日係新一年嘅新開始，一個好好嘅假期，就係要瞓到夠先至出街🤣今日就真係瞓到超級充足，然後落去嘅時候就已經係食下午茶時間啦😎✌🏻於是就落咗樓下附近食呢一間皇室冰廳，以前都有經過過呢一度，不過就真係第一次入去食嘢！感覺都真係充滿着香港懷舊風味！叫咗一份特厚朱古力醬巨型西多士！呢一個西多士真係非常之邪惡，一上枱嘅時候就已經望到有滿滿嘅朱古力醬！而且呢個朱古力醬真係好好食，係我好鍾意朱古力嘅甜味！另外呢一個巨型多士除咗有朱古力醬之外，入面亦都有滿滿嘅花生醬！令到入口嘅時候味道層次更加豐富，而且粒粒嘅花生醬令到口感更加好！加埋一杯凍咖啡，就係一份非常滿足好豐盛嘅下午茶餐啦！