牛肉拉麵 (已搬遷) 新店位置

收左工之後要去黃埔就俾d野個朋友，見到e間餐廳，搵下openrice 之後發覺原來係手拉麵，鍾意食麵嘅我就當然唔會錯過啦，就係咁就衝左入去啦！望完個餐牌之後，心唸有無搞錯，咁鬼平呀！之後就點左個牛肉麵，而麵就選擇左粗麵啦。等左一陣，麵上枱啦！試下啖湯先，湯就較為清，有少少牛肉味，就唔係好濃，而牛肉餐廳就選擇左用牛肋條，牛肋條都幾有口感，同埋時間都控制得幾好，唔會炆得太耐而令到舊肉爛晒。之後到麵啦，麵望落去就係粗幼不一，正正係手拉麵嘅特點啦，如果用機制就會粗幼一樣啦，咁食落去都非常彈牙，而且都好滑，咁嘅價錢有咁嘅水準絕對係非常非常之難得，會再黎。