S2 鐵板燒 (已結業)

為慶祝同事升大經理,緊係要食餐好賀下佢。之前食過一間S2上環幾好，又可以用OpenRice 優惠卷,緊係立即行動！門外門內都好有日式居酒屋感覺！一行四人，點了幾款不同既套餐！先來沙律加刺身，鴨胸好香煙燻味，三文魚，牡丹蝦剌身好新鮮!香檳焗岩蠔，日本蠔重蠔味，加上炸蒜片同煙肉，配搭幾特別！北海道原隻粒貝，鮮甜彈牙！北海道原隻毛蟹，蟹膏用來蒸蛋，加左松露醬好香好滑，毛蟹好多肉，好香蟹味，蟹切開左，好容易食到入面既肉。海膽醬芝士焗龍蝦，重點推介，龍蝦肉彈牙，車打芝士海膽味亦好濃郁，正！脆煎鰻魚，皮脆到好似食薯片，魚肉亦很滑，不會過火！紐西蘭羊架配雞扒，羊架有少許羶味，愛羊必試！雞扒配日式照燒汁。炒拉麵既麵質似日本既冷麵，爽口彈牙！湯好清甜，蜆好大隻！炒菜亦很爽口日本直送食材，又可以用優惠卷，不錯不錯！大家要早少少定位，Request坐吧枱，可以同師傅互動一下！