御勝牛 (勝利道) (已結業)

朋友帶左我去佢屋企附近既一間日式食店 話有平價和牛食去到雖然店仔細細 但格局整潔企理 牆上掛滿東瀛味極重既浮世繪畫布雖然menu既選擇唔算好多 但每樣都好似好吸引咁 既然係主打食和牛既 小妹當然要叫返個和牛丼試下食野前不忘抗疫 用小店提供既酒精搓手液清潔雙手👏老闆娘好健談 佢同我地講佢本身做燒肉店出身 所以成日會有好多黎自日本唔同產地唔同部份既靚牛到店而今期就咁岩係熊本縣既A4和牛 牛頸脊既位置和牛粒肉味濃郁 有咬口 珍珠米香軟 配埋特別係日本直送既袐製黑蒜醬汁 份外美味試左朋友點既照燒鳥丼 珍珠米加左粟米粒又係另一種美味有湯有飯有和牛 都唔駛$90蚊 我覺得真心抵食朋友無介紹錯