薩莉亞意式餐廳 (新文華中心)

營業中

休息中

一班人做完嘢又係響尖東附近搵嘢食，有人提議簡簡單單就去薩莉亞食，所以我哋就走咗過去，可能時間早咗少少，所以上到去都唔算多人。坐低就好快咁叫咗一大堆嘢食，佢哋最好嘅就係叫嘢食又返嚟得又快，分量唔會太大太細啱啱好，人多又可以叫多啲唔同款式嘅嘢嚟食吓。坦白講食物方面冇諗過有乜嘢特別驚喜，只係預咗性價比好好，上菜方面比較快，大家簡簡單單食得開心就冇問題。講真其實有幾樣嘢都幾好食，雞翼係其中一樣，出嚟嘅溫度啱啱好，味道又好香。仲有就係芝士汁菠菜，成日都要叫來食。仲有個漢堡扒，其實都真係幾好味。