影片
更多
2023-01-14
32 瀏覽
其呢間燒肉店出出開嗰陣有做送多一碟肉嘅推廣，嗰陣返工lunch hour食過幾次，都覺得性價比好高。最近趁放假，決定直接去食餐過癮嘅！醬料同調味都幾多款，之前好鍾意用佢個燒肉汁撈飯座位寬敞，另外都佈置得有d心思，有打卡位嘅食物方面，首先必須介紹呢度嘅厚切五花腩，個人覺得五花腩必須厚切先食到嗰種彈牙嘅口感及肉香油香。講真就算叫一個set都係性價比超級高，68蚊冇加一係有2條大大條嘅厚切五花腩！口感好彈牙，肉香夠，燒完係食唔到雪藏嘅味道，真係食指大動。溫馨提示！個爐千奇千奇唔好較太大，3、4級就得，太高真係會搶火！另外因為下面唔係明火，而係發熱管，所以受熱唔太均勻，要留意定時轉方向燒及keep住反面之後嘅就係散叫加肉，呢度嘅牛小排都好正，雪花非常靚，而且又快熟，擺上去兩邊拖兩拖已經食得，非常軟lum，油脂分佈好平均👍係另一樣值得推薦嘅食物安格斯肉眼都算係黑馬跑出，原本睇佢以為會好實好韌，但燒完都係軟身，入面仲帶有肉汁，簡單撒上鹽同埋胡椒粉已經係非常足夠嘅調味，budget夠多嘅真係可以揀呢款。我地非常大食，食完咁多肉仲係有位置試佢地嘅小食嘅，小食係絕對及格，全部都係熱辣辣👍真心講，我地兩人
醬料同調味都幾多款，之前好鍾意用佢個燒肉汁撈飯
座位寬敞，另外都佈置得有d心思，有打卡位嘅
食物方面，首先必須介紹呢度嘅厚切五花腩，個人覺得五花腩必須厚切先食到嗰種彈牙嘅口感及肉香油香。講真就算叫一個set都係性價比超級高，68蚊冇加一係有2條大大條嘅厚切五花腩！口感好彈牙，肉香夠，燒完係食唔到雪藏嘅味道，真係食指大動。溫馨提示！個爐千奇千奇唔好較太大，3、4級就得，太高真係會搶火！另外因為下面唔係明火，而係發熱管，所以受熱唔太均勻，要留意定時轉方向燒及keep住反面
之後嘅就係散叫加肉，呢度嘅牛小排都好正，雪花非常靚，而且又快熟，擺上去兩邊拖兩拖已經食得，非常軟lum，油脂分佈好平均👍係另一樣值得推薦嘅食物
安格斯肉眼都算係黑馬跑出，原本睇佢以為會好實好韌，但燒完都係軟身，入面仲帶有肉汁，簡單撒上鹽同埋胡椒粉已經係非常足夠嘅調味，budget夠多嘅真係可以揀呢款。
我地非常大食，食完咁多肉仲係有位置試佢地嘅小食嘅，小食係絕對及格，全部都係熱辣辣👍
真心講，我地兩人係非常非常非常大食，食咗好多（淨係計厚切五花腩已經食咗6條！應該係一般3、4人嘅分量😂），埋單都只係348一人，真心係非常抵。呢度個商場人流唔算多，但呢間餐廳係值得畀多d人知道！
張貼
