校長燒肉日韓料理 (大埔廣場)

營業中

休息中

今日咁啱想食燒肉，就同朋友嚟咗呢一間出名性價比高嘅校長燒肉，平時成日經過佢哋門口都見到好多人，證明呢間餐廳係幾咁受歡迎。一坐低就梗係出去睇吓自助區有咩食物拎，見到有大大個沙律區，俾你DIY沙律。咁我自己比較鍾意食中華沙律，另外仲加咗啲粟米同車厘茄。車厘茄清甜爽口，粟米飽滿多汁，中華沙律調味重，好食👍🏼除咗肉類丸類呢啲之外，呢度仲有熟食、壽司、點心等等。放題有點心食確實幾加分，因為食過咁多間放題，真係好少會見到有。我拎咗蒸粉果同燒賣，粉果皮晶瑩剔透又足料，燒賣入口彈牙。重頭戲當然就係燒肉，我哋拎咗腸仔、雞翼、鴨胸、煙肉片⋯⋯咖哩雞翼肉質飽滿夠入味，腸仔彈牙，鴨胸同煙肉片厚薄適中，肥瘦均勻。