月瀧天 (已結業)

同行幾個友人gathering，諗住搵間坐得耐嘅放題。一坐低，未order嘢就送嚟一碟二碟。哦，原來係上一手嗌落嘅遲來的餸。一一退還後入正題，點嘢食，果然係多國放題，菜式雜得不得了。先點刺身等預備得快嘅食物，後點其他熟食。但等咗好耐都唔見有嘢食，間唔中先嚟一碟一啖食得晒嘅迷你卷物，真係餓死都未有得食。漏單超嚴重，等唔切唯有再order，遞完單先嚟第一轉嗌嘅刺身。我哋枱限時兩小時放題到十點三，侍應即催我哋走，當時店內客人仍有三份一，明顯夠枱用，大概係趕收工之故。總括嚟講，呢餐飯食物唔出眾，服務唔好，漏單嚴重，呢個價錢唔值，冇下次。