小喇咩 (已結業)

星期五，森仔反晚更，所以有tea break.我同同事一行5人去食個tea 叉一叉電😂係公司附近有間新開既小喇咩，係名人黃長興所開既。甘我地就決定試一試佢。e間餐廳係做越南菜和西餐既。但係tea set 到，就全部係越南野，好似生牛肉湯法河，雞絲撈檬等，越式夾包等全部都係38或48，會包一杯熱飲。森仔叫左雞絲撈檬跟滴流咖啡.雞絲撈檬:e個檬粉用左幼檬，食落口質同質感同大大不同，幾彈牙同爽身。而檬上面鋪滿3個不同配料，羅白絲，紅羅白絲同芽菜。料就係多，但係味道就真係馬馬。可能我真係好唔中意甘多生芽菜最後，配上少得可憐的雞肉。其實，雞肉係好食既，但係真係好少，得幾舊碎碎的。滴流咖啡：e個真係睇落係幾用心既，用上一套工具，在客人面前直接滴流。味道蠻濃郁的，好香咖啡☕️味，唯欠更多的鍊奶，讓味道沒有那麼苦。其他同事食果d，也表示正常。特別，我也試左一啖越南面包，那個製作得好好，包外脆內軟，夾料也算還好，有美味配醬！整體而言，價格偏貴，食物份量不多，不大推薦的。