燒肉801 (荃灣廣場)

突然燒肉癮發作，第一次試咗燒肉801，味道都唔錯呀！
叫咗個二人套餐志盛$498，加$38一碗叫咗兩個冷麵，適逢有信用卡優惠仲可以減$100，埋單$500幾，晚餐嚟講價位可以接受。
套餐有六款肉，包括鹽味牛舌、黑毛和牛小排、黑毛和牛上肩肉、極尚厚切牛胸腹柳、黑毛豚無骨小排。最好食係黑毛和牛小排，入口油脂甘香，肉質甜美。鹽味牛舌是薄切的，味道濃郁帶點嚼勁，唔錯！值得一提，冷麵煙靭，帶啲酸味，好開胃呢！環境及服務方面，可以接受。